Op dat Bild: Uli Wellmann, de Plattdüütschbeopdragte vun den Landkreis Uelzen.
Güstern weer Thorsten Börnsen, Geschäftsföhrer vun’t LzN, op Besöök bi de Plattsnackers ut Hössen (Hösseringen). Uli Wellmann is de Plattdüütschbeopdragte vun den Landkreis Uelzen, woneem Hössen liggen deit. Un eenmal in’n Maand organiseert he en Veranstalten mit Lesen un Musik för de Plattsnackers ut de Ümgegend, de sik an verscheden Öörd drapen doot. Güstern to’n Bispeel weer dat in’t Gasthuus Dehrmann in Suderburg-Bahnsen an de Reeg. Ordig wat loos op den Saal, as Thorsten Börnsen en beten wat över dat Lännerzentrum vertellt kunnt.