An’n 19. Mart weer orrig wat los in de Auguste Viktoria School in Itzehoe: Dor geev dat en Nedderdüütsch-Mess, op de sik de Lüüd ok doröver uttuuschen kunnen, woans een Platt mehr an de School kriegt. Ok mit dorbi weer LzN-Mitarbeidersche Elke Boggasch.
Los gung dat üm 13:30. Dat geev bannig wat to snacken, ok över de verschedenen LzN-Materialien, de wi an uns Stand verdeelt hebbt: dorünner uns „Mien Platt“-Klappenbook för Grundschoolkinner, uns Riemelböker, de Hanserouten-Heften un natürlich de LzN-Bestseller: uns „Waldtiere op Platt“-Broschüür.
Dat weer en wunnerbore Veranstalten mit spannenden Klöönsnacks un bannig produktiven Uttuusch. Dat LzN dankt för de Organisatschoon un freit sik al op en mööglich Weddersehn.
Foto: Mitarbeidersche Elke Boggasch an uns LzN-Stand