An’n 26.09. geev dat in’t Professorenhaus in Lingen den Startschööt för dat PlattSatt-Festival, dat noch bet to’n 05.10. anduern deit. Un ik (Thorsten Börnsen) weer dorbi.
In düsse Tiet gifft dat överall in’t Emsland un in de Grafschop Bentheim plattdüütsche Veranstalten. Loosgahn is dat glieks mit en Highlight. In’t Theaterpädagogische Zentrum hebbt „De Fiedels“ bekannte Blues-, Pop- un Jazzstücken speelt – op Platt natürlich. Un ganz besünners weren de Vertonen vun Gedichten vun den Emslänner Dichter Hermann May.
Mehr över de Veranstalten in de Region finnst ji hier: https://www.emslaendische-landschaft.de/images/Plattdeutsch/PlattSatt/2025/PlattSatt_Programmheft_Digital__2025.pdf