Dat weer en spannend Finale vun de Hamborger Utgaav vun den plattdüütschen Leeswettstriet „Jungs un Deerns leest Platt“ güstern in’t Ohnsorg-Theater. För mi, Thorsten Börnsen, un de anner Lüüd in de Jury weer dat harde Arbeit un finnen de beste Leserin oder den besten Leser för de jewielig Öllersgrupp dormang rut. Mennichmal güng dat man blots üm een Punkt bi de Weerten. Man an’t Enn mussen wi uns jo üm een eersten Platz eenig warrn. Un dat hebbt wi torecht kregen. De Winnerinnen un Winner in de Öllergruppen sünd:
3. – 4. Klass: Paul Rüpke, School Arp-Schnitger-Stieg,
5. – 6. Klass: Lina Weidmann, Gymnasium Finkwarder,
7. – 9. Klass: Jana Dierks, Gymnasium Finkwarder,
10. – 13. Klass: Charlotte Schierwater, Stadtdeelschool Niendörp.
Hartlichen Glückwunsch!
