Tokamen Januar gaht de LzN-Plattdüütschkursen in en ne’e Runn: Dor köönt de Deelnehmer*schen de Regionalspraak in en Online-Format kommodig vun tohuus ut lehren.
Bi’n Instiegerkurs „Snack Platt – Tru Di“ lehrt de Deelnehmer*schen de Grundlagen vun de Spraak, ok sünner Vörweten. Teel is, dat elkeen Platt snackt un sien Bedenkens överwinnt. De Sittens finnt in lütten Koppels digital över de Plattfoorm Big Blue Button statt.
De Kurs finnt jümmers Middeweek, 19:30-21:00 statt. De Daten sünd: 21.01., 28.01., 11.02., 18.02., 25.02., 04.03., 11.03. un de 18.03.
De Deelnahm köst 75€. Anmellen kann een sik över robben@lzn-bremen.de.