An’n 21. Januar geiht dat Web-Seminar „Waak op, snack Platt!“ wedder los. Dat Anbott richt sik an Schoolmester*schen, de fröher al Platt höört, snackt oder leest hebbt, man sik nu nich mehr truut, dat to snacken. Vun Januar bet Mai schall in teihn Terminen de Spraak wedder in Gang brocht warrn. Sinn is, dat de Deelnehmer*schen Sülvstvertroen torüchkriegt un de Spraak ok in de School bruken köönt – dat Motto: Ok du kannst Plattdüütsch ünnerrichten!
De Online-Drapens finnt jümmers middewekens, 14:30-16:00 ünner dat Leid vun Hannes Frahm statt. De Terminen sünd de 21. un 28. Januar, de 11., 18. un 25. Februar, de 18. Määrt, de 15., 22. un 29. April un de 6. Mai. De Tall vun Deelnehmer*schen is begrenzt.
Keen geern bi dat Seminar mitmaken mag, kann sik anmellen ünner robben@lzn-bremen.de.