Al to’n tweten Mal geev dat an’n 11. Dezember in’t „Lauenhäger Bauernhaus“ in Lauenhagen en Preview vun Videoclips över dat Schaumbörger Land. Op Besöök mit dorbi weer dat LzN. Lüüd ut de jewieligen Dörper und Städer vertellt in düsse lütten Films över ehr Öörd, över ehr Geschicht un Laag un de Besünnerheiten vun ehr Tohuus. Ankieken kann een sik düsse lebennigen Dörps- un Stadtportraits op Platt op de Siet vun de Schaumburger Landschop, ünner den Link: https://www.schaumburgerlandschaft.de/project/plattdeutsche-filmclips/
Al 2023 harr de Schaumbörger Landschop negen Films produzeert. Nu sünd fiev Porträts dortokamen, sodat nu de Öörd Auetal, Bückeburg, Bad Nenndorf, Exten, Hörkamp-Langenbruch, Lauenhagen, Lindhorst, Lüdersfeld, Meinsen, Warber, Rusbend, Steinhude, Sülbeck, Wiedensahl un Wölpinghausen dorbi sünd.
(Foto: Thorsten Börnsen, Utsnitt ut den Film över Auetal.)