In’t 19. Johrhünnert weer de plattdüütsche Schrieversche Sophie Dethleffs ut de Heid (Dithmarschen) in Noorddüütschland heel bekannt, to’n Bispeel mit ehr Gedicht „De Fahrt na de Isenbahn“ vun 1846 över dat domals ni’e Transportmiddel. Dormit se un ehr Bedüden för de plattdüütsche Literatur wedder mehr Lüüd künnig warrt, hett Clivia Appeldorn verleden Johr Workshops över Dethleffs geven. In een dorvun güng dat üm dat Vertonen vun Gedichten vun de Schrieversche. Dor is en CD bi rutsuert, de een nu köpen kann. Wokeen Vermaak dorför hett oder mehr to dat Projekt weten mag, schrifft en Mail an sophie-dethleffs@web.de. Kosten doot de CDs fiev Euro plus Versand.
So süht dat Cover vun de CD ut (Bild: Clivia Appeldorn).
Dat Bidragsbild baven op de Siet is gemeenfree. De Scan is ut: Sophie Dethleffs: Gedichte in platt- und hochdeutscher Mundart. Sechste vermehrte Auflage. Heide: Heider Anzeiger 1910, S. [II].