In’n Opsichtsraat vun’t LzN gifft dat en personellen Wessel: De neddersass’sche Landdagsafornte Philipp Meyn övernimmt de Positschoon vun Wiard Siebels, de in’t Gremium dat Land Nedersassen vertreden hett.
Wi dankt Wiard Siebels vun Harten för de engageerte Tohooparbeit un sien Insatz. In sien Tiet in’n Opsichtsraat hett he Lännerzentrum in sien Entwickeln kunstriktiv ünnerstütt. Wi wünscht em wiederhen allens Gode.
Mit Philipp Meyn hett dat Lännerzentrum en ne’en Liddmaat, de bannig veel Erfahren in de Arbeit vun’n Opsichtsraat bringen warrt. Opwussen is he in Lüüshusen, en Dörp in’n Landkreis Lümborg. In Köln un Essen hett he Politik, Weertschop un Sport studeert. Achteran weer he eerst in Hannover, denn in Lümborg as Schoolmester anstellt. Siet 2016 is he Liddmaat bi’n Raat vun de Hansestadt Lümborg. Afornter vun’n Neddersass’schen Landdag is he siet 2022.
Ok to’t Plattdüütsche hett he en besünnern Betog: In sien Heimatdörp is de Regionalspraak fast verankert. So seggt he sülvst: „In Lüüshusen gifft dat ümmer en Snack mit up’n Weg!“
Wi wünscht Philipp Meyn en goden Start un freit uns al op den Uttuusch.
Foto: Johannes Düselder