Unstarvlich hebbt düssen beröhmten Priesdräger vun’n Pries vun de Quickborn-Verenigen 2026 hoochdüütsche Hits maakt. Toallereerst natürlich de „Weihnachtsbäckerei“. De gifft dat siet 2024 aver ok op Platt, un twoors op uns Wiehnachtsbummel. Man Rolf Zuckowski hett över 80 plattdüütsche Leder un Stücken maakt, vele dorvun mit de Finkwarder Speeldeel tohoop inspeelt. „Snack mol wedder Platt“, „Dat Joahr geiht to Ind“ un „Wenn de Wind dreiht“ höört to de bekanntesten. An’n Sünnavend, den 26. September, hett he nu den Pries vun de Quickborn-Verenigen bi en Festakt in’n Lichtwarksaal kregen. En flotte Loffreed op em hett de Schauspeler Christian Richard Bauer hollen. Dat LzN höör mit to de Gratulanten to: Hartlichen Glückwunsch!
