De 130 Plätz in’t Theater vun de Nedderdüütsche Bühne in Niemünster weren heel un deel utverköfft, as an’n verleden Sünnavend de Singer-Songwriter Lennon vun Seht de Release vun sien nie’e Album fiert hett.
Alleen wull he dorbi aver nich op de Bühne stahn. De Musiker, de op Hooch un Plattdüütsch singt, hett de Gelegenheit tofaten kregen un sik Frünnen un Mundoort-Sänger:innen ut verscheden Kanten vun Düütschland inlaadt. So singt Feli (Karla Feles) ut Hamborg op Plattdüütsch un Manuel Sattler op Saarbrücker Platt.
Modereert hett de Veranstalten Thorsten Börnsen vun’t LzN.
Fotos: Thorsten Börnsen