Güstern weer dat wedder sowiet: Mang Gurken un Tomaten, Appeln un Kirschen stünnen wi, dat Team vun’t Lzn, mit uns Info-Stand op den Findörpmarkt in Bremen. Wi kunnen wedder en Barg intressante Gespräken föhren mit Inkööpslüüd un Marktbeschickers. Dat hett düchtig Spaaß maakt. Elke Boggasch is ünnerwegens west un hett mit en Reeg Marktlüüd direktemang snackt un se dorvun övertüügt un maken Reklaam för Plattdüütsch an ehr Stännen. Un ok Nicole Köhler, gode Seel un Managerin vun’n Findörpmarkt, hett sik ordig för uns in’t Tüüch leggt. Danke, Nicole, un bet tokamen Johr!
