An’n 21. Juni is dat wedder so wiet un dat gifft en Sommerfest bi’t Lännerzentrum för Nedderdüütsch. Dorför is orrig wat plaant: De Bremer Rockband „Rockwark“ warrt en akustische Set mit ehr plattdüütsche Leder spelen, dat warrt Poetry-Slam-Texten op Platt to hören geven, un keen markt, dat he oder se de Texten doch nich so goot versteiht, kann de egen Plattkenntnissen bi en Crashkurs Plattdüütsch opfrischen. Wat to eten un to drinken gifft dat natürlich ok, un düchtig wat to snacken.
Keen dorbi ween mag, beedt wi, sik bet to’n 16. Juni antomellen ünner info@lzn-bremen.de