Keen in Bremen Schoolmester*sche warrt, maakt as Deel vun’t Referendoriat ok en Wahlplichtkurs (WPK). Düt Johr büdd to’n ersten Mal dat Lännerzentrum för Nedderdüütsch so en WPK an un bringt de tokümstigen Lehrkräft so dat Plattdüütsche neger. Ünner den Titel “Platt schnacken und Begegnungen mit aktueller plattdeutscher Kultur für Lehrkräfte” dropen sik verleden Week un an’n Sünnavend söss junge Lüüd in de Contrescarpe bi’n Lännerzentrum un hebbt sik toeerst mal dorin öövt, Platt to snacken. An’n Sünnavend stünn denn en plattdüütsche Stadtföhren op’t Programm un later en Drapen mit Karin Schwattbunt vun de Bremer Hardrockband “Rockwark“. Se hett mit de Deelnehmers snackt över ehr Musik un ehren privaten Betog to Platt.
De Deelnehmers weren sik eenig, dat se veel lehrt hebbt, wat intressant weer. An’n Maandag steiht nu noch to’n Afsluss en Eenheit över plattdüütsche Spraakgeschicht un plattdüütsche Musik un Slam-Poetry an.
