Loosgahn is dat an’n Sünnavend üm Klock ölven in uns schöön köhligen Rüüms in de Contrescarpe. Eerst mal ankamen, verpuusten un wat drinken an den hittsten Dag betto in düt Johr. Denn kunnst’ mal en Reeg snacken mit Lüüd, de du mennichmal lang Tiet nich mehr sehn hest.
Den Opslag för’t Programm maak Klock halvig een Nikos Saul. He hett Texten leest, de he bi verscheden Poetry Slams al vördragen hett, man en paar ni’e weren ok dorbi. Achteran keem Thorsten Börnsen as Newcomer in de Slam-Szene mit sien Texten an de Reeg.
För Musik hett an düssen Dag de Band ROCKWARK ut Bremen sorgt. Se sünd in lütte Besetten, mit Sängerin un Gitarrist, optreden. Man liekers hebbt se uns Rüüm mit ehr Sound utfüllen un de Gästen begeistern kunnt in en heel kommodig Atmosphär. Twüschen twee Musikinlagen geev dat denn noch en Crashkurs Plattdüütsch. Dor hebbt en ganze Reeg Lüüd in 40 Minuten ehr Plattdüütsch op en beten sekerer Fööt stellt kregen.
Dat weer en schöne Fest, bi dat bummelig 60 Lüüd bi uns rinkeken hebbt
Wi freut uns al op dat negste Johr.