De Expertenutschuss vun de europääsche Charta för regionale Minderheitenspraken op Besöök in Noorddüütschland! De Utschuss besöcht jeedeen Verdragsstaat un överwacht, wodennig de Charta ümsett worden is. Düütschland hett de Charta 1998 ratifizeert. De Besöök nu, vun‘n 28.März bet to‘n 1.April, betreckt sik op den 7. Överwachungszyklus in Düütschland. De vergangen Besöök weer 2018. Na den Besöök warrt de Utschuss bewerten, wat se höört un sehn hebbt un en Bericht dorvun maken. In den Bericht warrt se ok empfehlen, wat vellicht beter maakt warrn kunn. De Behörden vun de Länner warrt opfordert, dat se Stellung dorto nehmt. De Bericht warrt öffentlich maakt, wenn de Kommentare vun de Länner trüchstüert worden sünd. De Zyklus vun‘t Överwachen is afschlaten, wenn dat Ministerkommitee vun den Europarat de Vörslääg/Antern vun den Verdragsstaat annehmen deit. Dat Lännerzentrum hett den Expertenutschuss Maandag un Middeweken drapen. Dorbi is en feinen Uttuusch tostannen kamen. Op dat Foto is dat Expertenkomitee to sehn: (vun links) Nataša Gliha Komac (Slowenien), Igor Lakić (Montenegro) un Sibylle Pfeil (Düütschland).
