De plattdüütsche Schrieversche Clivia Appeldorn richt en Wettbewarf för Geschichten ut. De Geschichten schüllt to’t Thema „Wat’n Wunner!“ ween un dörvt bet to twee DIN-A4-Sieden ümfaten. Rutkamen warrt se in en Book bi’n „Wunnerwarksteed Verlag“ in’n November. Insennen gaht per Post an Clivia Appeldorn, Postfack 1133, 25705 Marne. Texten, de mit KI schreven woorn sünd oder in de eher Schrievprozess KI hulpen hett, köönt nicht dorbi ween.
Dat Thema „Wat’n Wunner!“ lett de Lüüd, de en Geschicht bidragen wüllt, veel Frieheit, denn Wunner gifft dat in bannig ünnerscheedliche Rebeden. Keen noch Hölp bi’t Schrieven bruukt, kann an en Workshop deelnehmen, den Clivia Appeldorn vun’n 26. bet to’n 28. Juni geven deit. Anmellen dorför geiht ünner plattkurse@web.de.
Clivia Appeldorn is Plattdüütsch opwussen un gifft siet längere Tiet Plattkursen. Butendem is se Autorsche bi de NDR-Reeg „Hör mal ’n beten to“.
Foto: Clivia Appeldorn.