Siet Januor föhrt de Heimatverband Mekelnborg-Vörpommern dat Projekt „Späldäl Rostock“ dörch. Düt Projekt hett ünnerscheedliche Bestanddelen: En Deel sünd Theater-Workshops, de in Rostock stattfinnt. Mehr dorto gifft dat hier to lesen: https://www.kultur-mv.de/veranstaltungen/spaeldael-rostock.html.
Man in dat Projekt schüllt nich blot Theater speelt warrn, dat schall ok dorüm gahn un schrieven ni’e Stücken. Dorüm kann een noch bet to’n 7. April en korte Bühnenstück bi den Schrievwettstriet vun „Späldäl Rostock“ inrecken. Mehr Infos hier: https://www.kultur-mv.de/kunst-kultur/literatur-sprache-niederdeutsch/plattdeutsche-schreibwerkstatt.html.
Un wiel dat allens in allens bi dat Projekt üm de Tokumst vun’t nedderdüütsche Theater geiht, is ok en Thema, op welke Wies nedderdüütsche Bühnen ni’e Spelerschen un Spelers winnen köönt. Dorüm gifft dat vun „Späldäl Rostock“ en lütte Ümfraag, de sik an nedderdüütsche Bühnen richten deit. Antern kann een de hier: https://easy-feedback.de/umfrage/1962313/ybtS4m.
Wi freut uns al op dat, wat bi de ünnerscheedlichen Delen rutsuert, un seggt: Toi, toi toi!
Bild: Späldäl Rostock