Dat is al en lütte Traditschoon worrn, dat dat LzN mit in de Jury bi’t Finale sitten deit vun’n Hamborger Leeswettstriet „Jungs un Deerns leest Platt“ in’t Ohnsorg-Theater. Un ok in düt Johr weer dat nich licht un finnen de besten mang so veel de grootordigen Lesers mang rut. De hebbt all tohoop en dulle Leistung bröcht.
Wunnen hebbt an’t Enn:
- In de Grupp vun de 3. un 4. Klass:
Max Schröder ut de veerte Klass vun de School Arp-Schnitger-Stieg in Nie’enfeld mit Bolko Bullerdieks Geschicht „Appelkeern fördert de Intelligenz“ vun Uta Schröder.
- In de Grupp vun de 5. un 6. Klass:
Emma Hauschildt vun der Stadtdeelschool in den Reethen in Niegraven-Fischbek mit de Geschicht „De grote Aalkatastroph vun Finkwarder“. Schreven hett de Heiko Hausschild.
- In de Grupp vun de 7. bet 9. Klass:
Lina Weidmann vun’t Gymnasium Finkwarder ut de 7. Klass mit de Geschicht „Nümms will mi hebben“ vun Bernhard Koch.
- In de Grupp 10. bet 13. Klass:
Charlotte Schierwater ut de 11. Klass vun de Stadtdeelschool Niendörp mit de Geschicht „De Danzmeister“ vun Bolko Bullerdiek.
Wi graleert all Deelnehmers vun Harten!
Fotos: Christian Bittcher