Tosamen mit den Ledermaker Lennon von Seht hett sik de Geschäfsföhrer vun’t LzN Thorsten Börnsen an’n verleden Sünnavendnamiddag an en Kunzert-Lesen bedeligt.
Organiseert worr de Veranstalten vun den Kulturutschuss vun dat Dörp Ostenfeld bi Rendsborg. In dat grote Festtelt, dat opbuut worrn is för’t Dörpfest, sünd bummelig 90 Lüüd tohoopkamen un hören sik Geschichten vun Börnsen an un Musik vun Lennon von Seht.
För Börnsen weer dat toglieks en gode Gelegenheit un stellen de Arbeit vun de Institutschoon vör. Jüst so as de Besöken op de Wekenmarkten höört dat mit to dat Programm un bringen Plattdüütsch ünner de Lüüd. De weren denn ok ganz tofreden dormit.
