De Landschopsdag vun de Ollnborgsche Landschop
is jede Johr an en anner Steed. He wannert dörch dat Rebeet vun den ehemaligen Friestaat Ollborg. Un de weer teemlich groot. Vun Damme in’n Süden bet Wangeroog in’n Noorden reckt dat histoorsche Rebeet. In düt Johr hebbt wi uns in Willemshoben darpen. Hüüt gifft dat keen Groothartog mehr un ok keen Friestaat. De Opgaav vun de Landschop is vundaag Kulturföddern. Billen Kunst, Theater, Museen kriegt Stütt un natürlich Plattdüütsch, wat ok in’t Ollnborger Land snackt warrt un en Rull speelt. Vele Aktören ut düsse Rebeten weren verleden Sünnavend to Gast in’t UNESCO-Weltnaturerbe Wattenmeer Besucherzentrum, so ok Thorsten Börnsen vun’t LzN. Blangenbi den Vördrag över de Willemshobener Kunsthall un de Verlehen vun de Ehrennadels för ehrenamtlich Engaschment weer de Uttusch dat Wichtigste. Na lang Tiet mal wedder en Reeg snacken oder mal in’t Gesprääk kamen mit een, den du vörher gor nich kennt hest. Dat weer en gode Gelegenheit an’t verleden Wekenenn.
