Avends warrt dat middewiel al fröh düster. Un grusig Nevels sliekert över Plätz un Straten. Sünd dat överhaupt Nevels oder is dor an’t Enn noch ganz wat anners ünnerwegens? Jüst de richtige Tiet för Spökelgeschichten un welken to’t Grusen.
Ok wenn dat bi Lüüd ut de Generatschoon Rummelpott as mi jümmers noch nich richtig lanndt is, kümmst‘ an Halloween eenfach nich mehr vörbi. Mit ehr plattdüütschen Veranstalten mit Spökelgeschichten hebbt Mire Buthmann vun de Hamborger Tüdelband, de Theaterwetenschopler Gero Beckmann un de LzN-Mitarbeider Nikos Saul liekers wat besünners togang kregen. Denn so öft gifft dat so wat in Plattdüütschland nich.
Blangenbi Warken vun Klassiker as Klaus Groth oder vun den westfäälschen Dichter Ausgustin Wibbelt hebbt de dree ok ehr egen Texten leest. Mire Butmann un Gero Beckmann hebbt in düssen Tosamenhang en szenische Lesen maakt ut dat Höörspeel Ahab, dat de Tüdelband mit Beckmann tosamen schreven un produzeert hett.Ok ut Ahab weren Songs de Butmann op de Gitarr speelt hett. Nikos Saul hett dörch den Avend föhrt.
Dat weer en spannende Veranstalten mit veel Afwesseln för dat Publikum in de Hamborger Zentralbibliothek an’n Hühnerposten.
Auf den Bildern (von links nach rechts): Nikos Saul, G.A. Beckmann und Mire Buthmann. Foto: Thorsten Börnsen.